لیژنه‌ی مافی مرۆف و كاروباری ژنان و منداڵان له‌ نزیكه‌وه‌ چاودێری كه‌یسی ته‌ندروستی فه‌هد ده‌كات و ئه‌و رێكاریانه‌ی كه‌ گیراوه‌ته‌ به‌ر له‌ دژی زڕ دایكی و باوكی.

زياتر

بەش: لجان المجلس

بڵاوكراوەتەوە لە دوو شەممە, 19 ئەیلول 2016 13:20

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 334

لیژنه‌ی مافی مرۆف و كاروباری ژنان و منداڵان له‌ ئه‌نجومه‌نی پارێزگای كه‌ركوك له‌ نزیكه‌وه‌ و به‌چڕی چاودێری كه‌یسی ئه‌و منداڵه‌ ده‌كات كه‌ ناوی فه‌هده‌ و له‌ لایه‌ن زڕ دایكی و باوكی هاته‌ لێدان و بووه‌ هۆی ئه‌وه‌ی كه‌ توشی برینێكی قول بێت و ره‌وانه‌ی نه‌خۆشخانه‌ بكرێت و له‌ ئێستادا له‌ نه‌خۆشخانه‌ كه‌وتوه‌ ,

به‌ڕێز جوان حه‌سه‌ن سه‌رۆكی لیژنه‌ی مافی مرۆف هه‌ستا به‌ ئه‌نجامدانی چه‌ندین په‌یوه‌ندی چڕوپر و له‌گه‌ڵ سه‌رجه‌م لایه‌نه‌كان و له‌وانه‌ش رێكخراوه‌ نێوده‌وڵه‌تییه‌كان و ناوخۆییه‌كان له‌ پێناو رزگاركردنی و هه‌ستا به‌ سه‌ردانیكردنی به‌ڕێوه‌به‌رایه‌تی پاراستنی خێزانی ومنداڵ له‌ توندوتیژی خێزانی بۆ چاودێری ئه‌و رێكارانه‌ی گیراوه‌ته‌ به‌ر له‌ سه‌ر كه‌یسی منداڵه‌كه‌ و چاوی كه‌وت به‌و پارێزه‌ خۆبه‌خشانه‌ی كه‌ ئاماده‌ییان ده‌ربڕیوه‌ خۆبه‌خشانه‌ داكۆكی بكه‌ن له‌سه‌ر منداڵه‌كه‌.به‌ئامانجی له‌ نزیكه‌وه‌ ئاگادرابوون له‌ ته‌ندروستی منداڵه‌كه‌ به‌ ناوی فه‌هد و ئه‌و هه‌وڵه‌ی كه‌ دراوه‌ له‌ لایه‌ن كادره‌ پزیشكییه‌كانه‌وه‌ و ئه‌و چاره‌سه‌ر پزیشكیانه‌ی ئه‌نجام دراوه‌ بۆ منداڵاه‌كه‌ , لیژنه‌ی مافی مرۆف و كاروباری ژنان و منداڵان به‌سه‌رۆكایه‌تی جوان حه‌سه‌ن سه‌رۆكی لیژنه‌ به‌یاوه‌ری ئه‌ندازیار ره‌مله‌ حه‌مید سه‌ردانی نه‌خۆشخانه‌ی كه‌ركوكیان كرد.

• < پێشووتر
• دواتر >