ئه‌نجومه‌نی پارێزگای كه‌ركووك تاوتوێی دانانی یاساییه‌كی ناوخۆیی ده‌كات بۆ كۆكردنه‌وه‌ی كرێی پاككردنه‌وه‌ی له‌و خانووبه‌رانه‌ی نانیشته‌جێن بۆ به‌رده‌وامی خزمه‌تگوزاری پاككردنه‌وه‌ له‌ سه‌رجه‌م شاره‌كه‌.

زياتر

بەش: الاخبار الرئيسية

بڵاوكراوەتەوە لە سێ شەممە, 29 تشرینی دووەم 2016 13:40

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 1848

ئه‌نجومه‌نی پارێزگای كه‌ركوك كۆبوونه‌وه‌ی ئاسایی ژماره‌ (372)ی ئه‌نجام دا رۆژی سێ‌ شه‌ممه‌ به‌رواری 29/11/2016 به‌سه‌رۆكایه‌تی ئه‌ندازیار رێبوار تاڵه‌بانی سه‌رۆكی ئه‌نجومه‌نی پارێزگای كه‌ركوك به‌ ئاماده‌بوونی ئه‌ندامانی ئه‌نجومه‌ن و نوێنه‌رانی لیست و قه‌واره‌ سیاسیه‌كانی ئه‌نجومه‌ن و هه‌ماهه‌نگكارانی ئه‌نجومه‌نی شاره‌دێی و شارۆچكه‌كانی سه‌ر به‌ ئه‌نجومه‌نی پارێزگا له‌ هۆڵی كۆبوونه‌وه‌كانی ئه‌نجومه‌نی پارێزگا .

ئه‌نجومه‌ن ژماره‌یه‌ك بابه‌تی تاوتوێ‌ كرد كه‌ له‌ خشته‌ی كاری ئه‌نجومه‌ندا هاتووبو و له‌وانه‌ش تاوتوێی دانانی یاساییه‌كی ناوخۆیی بۆ كۆكردنه‌وه‌ی كرێی پاككردنه‌وه‌ی له‌و خانووبه‌رانه‌ی نانیشته‌جێن كه‌ له‌ لایه‌ن ئیداره‌ی پارێزگاوه‌ پێشكه‌ش كرابوو به‌ ئاماده‌بوونی جێگری پارێزگار بۆ كارووباری ته‌كنیكی ونوێنه‌ری به‌ڕێوه‌به‌رایه‌تی شاره‌وانی ، له‌به‌ر گرنگی بابه‌ته‌كه‌ كه‌ پێویستی به‌ دراسه‌ت كردنی زیاتره‌ تاوه‌كوو ئه‌مانجه‌كانی وه‌كو خۆی بپێكێ‌ وه‌ پاڵپشتی تێڕوانینه‌كان بۆ به‌رده‌وامی خزمه‌تگوزاری پاككردنه‌وه‌ له‌ سه‌رجه‌م شاره‌كه‌ داواكرا له‌ هه‌ردوو لیژنه‌ی خزمه‌تگوزاری و لیژنه‌ی دارایی و ئابوری دراسه‌تێكی پوختر له‌سه‌ر ره‌شنوسه‌كه‌ بكه‌ن و بخرێته‌ به‌رده‌م ئه‌نجومه‌ن بۆ دانانی یاساییه‌كی ناوخۆیی بۆ ئه‌و مه‌به‌سته‌.

• < پێشووتر
• دواتر >