ئه‌ندازیار ڕێبوار تاڵه‌بانی پێشوازی ده‌كات له‌ شاندێكی رێكخراوی ئاشتی كه‌ یه‌كێكه‌ له‌ رێكخراوه‌كانی كۆمه‌ڵگه‌ی مه‌ده‌نی.

ئه‌ندازیار ڕێبوار تاڵه‌بانی سه‌رۆكی ئه‌نجومه‌نی پارێزگای كه‌ركوك له‌ نوسینگه‌ی فه‌رمی خۆی رۆژی پێنج شه‌ممه‌ به‌رواری 17 /11 /2016 وه‌ به‌ئاماده‌بوونی ئه‌ندامانی ئه‌نجومه‌ن پێشوازی كرد له‌ شاندێكی رێكخراوی ئاشتی كه‌ یه‌كێكه‌ له‌ رێكخراوه‌كانی كۆمه‌ڵگه‌ی مه‌ده‌نی كه‌ پێك دێت له‌ كۆمه‌ڵی گه‌نجی خۆبه‌خش له‌ پارێزگاكه‌.

شاندی مێوان باسێكی چالاكییه‌كان و پرۆژه‌كانی رێكخراوه‌كه‌یان كرد بۆ ئاینده‌ له‌ بواری بڵاوكردنه‌وه‌ی ئاشتی وئازادی ده‌ربڕین و نه‌هێشتنی توندوتیژی و چه‌ندین پڕۆژه‌ی دیكه‌ كه‌ ئامانجی برایه‌تی پێكه‌وه‌ ژیانه‌ له‌ پارێزگاكه‌. لای خۆیه‌وه‌ سه‌رۆكی ئه‌نجومه‌ن پاڵپشتی خۆی ده‌ربڕی بۆ سه‌رجه‌م ئه‌و رێكخراوانه‌ی به‌شدارن له‌ بونیادنانی كه‌ركووك له‌ هه‌ر بوارێك و هه‌روه‌ها داوای كرد له‌ سه‌رجه‌م رێكخراوه‌كان به‌ بۆچونه‌كانیان و پێشنیازه‌كانیان سیاسه‌تی گشتی پارێزگاكه‌ ده‌وڵه‌مه‌ند بكه‌ن كه‌ له‌لایه‌ن ئه‌نجومه‌نی پارێزگاوه‌ ئاماده‌كراوه‌ بۆ دانانی تێڕوانین بۆ ئاینده‌ی كه‌ركووك له‌ سه‌رجه‌م بواره‌كاندا.