ئه‌نجومه‌نی پارێزگای كه‌ركووك پلانی پرۆژه‌ی گه‌ڕانه‌وه‌ی ئارامی و ئاوه‌دانكردنه‌وه‌ی ناوچه‌ ئازداكراوه‌كان له‌ تیرۆریستان په‌سه‌ند كرد بۆ گه‌ره‌نتی گه‌ڕاننه‌وه‌ی ئاواره‌كان

زياتر

بەش: الاخبار الرئيسية

بڵاوكراوەتەوە لە سێ شەممە, 25 تەمموز 2017 14:06

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 2140

ئه‌نجومه‌نی پارێزگای كه‌ركوك كۆبوونه‌وه‌ی ئاسایی ژماره‌ (383)ی خۆی ئه‌نجام دا به‌سه‌رۆكایه‌تی ئه‌ندازیار ڕێبوار تاله‌بانی سه‌رۆكی ئه‌نجومه‌نی پارێزگای كه‌ركوك ڕۆژی سێ‌ شه‌ممه‌ به‌رواری 25/7/2017 به‌ ئاماده‌بوونی ئه‌ندامانی ئه‌نجومه‌ن و نوێنه‌رانی لیسته‌كان و قه‌واره‌ سیاسییه‌كانی ئه‌نجومه‌ن و هه‌ماهه‌نگكارانی ئه‌نجومه‌نه‌كانی قه‌زاو ناحییه‌كان له‌ هۆڵی كۆبوونه‌وه‌كانی ئه‌نجومه‌نی پارێزگای كه‌ركوك.

 له‌و كۆبوونه‌وه‌دا سه‌رجه‌م ئه‌و بابه‌تانه‌ تاوتوێ‌ كران كه‌ له‌ خشته‌ی كۆبوونه‌وه‌كدا هاتوبوو له‌وانه‌ش ئه‌و نوسراوه‌ی هاتوبوو له‌ لایه‌ن به‌ڕێوه‌به‌رایه‌تی پلاندانان و چاودێری/پارێزگای كه‌ركووك پاڵپشت به‌ نوسراوی وه‌زاره‌تی دارایی/فه‌رمانگه‌ی موازه‌نه‌ له‌سه‌ر په‌سه‌ند كردنی پرۆژه‌ی گه‌ڕانه‌وه‌ی ئارامی و ئاوه‌دانكردنه‌وه‌ی ناوچه‌ ئازداكراوه‌كان له‌ تیرۆریستان بۆ گه‌ره‌نتی گه‌ڕاننه‌وه‌ی ئاواره‌كان. لیژنه‌ی پرۆژه‌كان و ئاوه‌دانكردنه‌وه‌ له‌ ئه‌نجومه‌ن پێشنیاز و رونكردنه‌وه‌كانیان پێشكه‌ش كرد سه‌باره‌ت به‌و پڕۆژانه‌ی هاتوبوو له‌ پلانه‌كه‌ و له‌ دوای گوێ‌ گرتن له‌ ئه‌ندامان ئه‌نجومه‌نی پارێزگا پلانه‌كه‌ی په‌سه‌ند كرد كه‌ پێك دێت له‌ ئاودانكردنه‌وه‌ وچاككردنه‌وه‌ی بیناكان و دامه‌زراوه‌كانی ئاو و كاره‌با حكومییه‌كانی پارێزگاكه‌ و ئه‌و فه‌رمانگانه‌ی سه‌ر به‌ پارێزگان و له‌ قه‌زاو و ناحییه‌كان وچاككردنه‌وه‌ی رێگاكان و قیرتاوكردنی و كڕینی كه‌ره‌سته‌ و پاككردنه‌وه‌ی شاره‌كان.

• < پێشووتر
• دواتر >