ئه‌نجومه‌نی پارێزگای كه‌ركووك به‌جیا پێشوازی ده‌كات له‌ نوێنه‌رانی پارێزگای كه‌ركووك به‌ڕێزان محمد عوسمان و شوان داوودی له‌ ئه‌نجومه‌نی نوێنه‌رانی عێراق.

زياتر

بەش: الاخبار الرئيسية

بڵاوكراوەتەوە لە چوار شەممە, 05 نیسان 2017 12:01

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 1902

ئه‌ندازیار رێبوار تاڵه‌بانی سه‌رۆكی ئه‌نجومه‌نی پارێزگای كه‌ركووك و ئه‌ندامانی ئه‌نجومه‌ن پێشوازییان كرد له‌ به‌ڕێز محمد عوسمان ئه‌ندامی ئه‌نجومه‌نی نوێنه‌رانی عێراق كه‌ چه‌پكێ گوڵ و ئاڵای كوردستانی پێشكه‌ش به‌ ئه‌نجومه‌نی پارێزگا كرد بۆ به‌رزنرخاندنی بڕیاره‌ مێژوییه‌كه‌ی ئه‌نجومه‌نی پارێزگای كه‌ركووك و ده‌سه‌ڵاتی جێبه‌جێكار له‌ پارێزگاكه‌ تایبه‌ت به‌ هه‌ڵكردنی ئاڵای كوردستان شان به‌ شانی ئاڵای عێراق له‌سه‌ر دام و ده‌زگاكانی پارێزگاكه‌ رۆژی 4ی 4ی 2017. 

له‌ لایه‌كی دیكه‌وه‌ سه‌رۆك و ئه‌ندامانی ئه‌نجومه‌ن پێشوازییان كرد له‌ په‌رله‌مانتار شوان داوودی كه‌ پیرۆزبایی له‌ ئه‌نجومه‌ن و ئیداره‌ی كه‌ركووك كرد بۆ بڕیاره‌ مێژوییه‌كه‌ی به‌ هه‌ڵكردنی ئاڵای كوردستان له‌ سه‌ر دام و ده‌زگاكانی كه‌ركووك و تیشكی خسته‌ سه‌ر هه‌ڵویستی كوتله‌ كوردستانییه‌كان له‌ ئه‌نجومه‌نی نوێنه‌ران له‌به‌رامبه‌ر بڕیاره‌ نا یاساییه‌كه‌ی ئه‌نجومه‌نی نوێنه‌ران له‌سه‌ر هه‌ڵنه‌كردنی ئاڵای كوردستان وئاماژه‌ی بۆ ئه‌وه‌ كرد كه‌ بڕیاره‌كه‌ی ئه‌نجومه‌نی نوێنه‌ران هاته‌ سڕكردن و كفتۆگۆكان به‌رداه‌وه‌مه‌ له‌لایه‌ن سه‌رۆكی ئه‌نجومه‌نی نوێنه‌رانه‌وه‌ له‌گه‌ڵ كوتله‌كان تاوه‌كوو هه‌موان به‌بڕیارێك ده‌رچن هه‌موو لایه‌ن پێی رازی بێت له‌ نێوان په‌رله‌ماندا.

• < پێشووتر
• دواتر >