ئه‌نجومه‌نی پارێزگای كه‌ركوك بڕیار ده‌دات له‌سه‌ر نوێكردنه‌وه‌ی گرێبه‌ستی كڕینی وزه‌ی كاره‌بای ئاماده‌ بۆ شاره‌كه‌ بۆ به‌رده‌وامی پێدانی كاره‌با به‌ هاونیشتیمانیان

زياتر

بەش: الاخبار الرئيسية

بڵاوكراوەتەوە لە چوار شەممە, 11 ئایار 2016 09:19

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 4954

ئه‌نجومه‌نی پارێزگای كه‌ركوك ده‌نگ ده‌دات له‌سه‌ر نوێكردنه‌وه‌ی گرێبه‌ستی كڕینی وزه‌ی كاره‌بای ئاماده‌ بۆ شاره‌كه‌ له‌گه‌ڵ وه‌به‌رهێنه‌رێك له‌ دوای ته‌واوبونی ماوه‌ی گرێبه‌ستی پێشوو بۆ چاره‌سه‌ر كردنی قه‌یرانی كاره‌با كه‌ پارێزگاكه‌ به‌ده‌ستیه‌وه‌ ده‌ناڵێنیت به‌ ئامانجی به‌رده‌وامی پێدانی كاره‌با به‌ هاونیشتیمانیان له‌گه‌ڵ نزیكبونه‌وه‌ی وه‌رزی هاویندا.

له‌ میانه‌ی كۆبوونه‌وه‌ی ئاسایی ئه‌نجومه‌نی پارێزگای كه‌ركوكدا هات به‌سه‌رۆكایه‌تی ئه‌ندازیار رێبوار تاڵه‌بانی سه‌رۆكی ئه‌نجومه‌نی پارێزگای كه‌ركوك رۆژی سێ‌ شه‌ممه‌ به‌رواری 10/5/2016 وه‌ به‌ ئاماده‌بوونی نوێنه‌رانی لیست و قه‌واره‌ سیاسیه‌كانی ئه‌نجومه‌ن و هه‌ماهه‌نگكارانی ئه‌نجومه‌نی شاره‌دێی و شارۆچكه‌كانی سه‌ر به‌ ئه‌نجومه‌نی پارێزگا له‌ هۆڵی كۆبوونه‌وه‌كانی ئه‌نجومه‌نی پارێزگا هاته‌ ئه‌نجام دان.
له‌ بڕگه‌ی لێدوانه‌كاندا ئه‌ندازیار تاڵه‌بانی پیرۆزبایی كرد له‌ هاوڵاتیانی كه‌ركوك بۆ ئه‌و سه‌ركه‌وتنه‌ یه‌ك له‌ دوای یه‌كه‌ی قاره‌مانانی پێشمه‌رگه‌ تورماری ده‌كه‌ن به‌ تایبه‌ت پاككردنه‌وه‌ی دێی به‌شیر له‌ تیرۆریستانی داعش له‌گه‌ڵ چه‌ند هێزیكی دیكه‌ و هیوای خواست سه‌رجه‌م ناوچه‌ داگیر كراوه‌كانی دیكه‌ی پارێزگاكه‌ به‌زوترین كات پاك بكرێته‌وه‌.

• < پێشووتر
• دواتر >