ئه‌ندازیار رێبوار تاڵه‌بانی سه‌ردانی لقی خۆراكی كه‌ركووك ده‌كات بۆ له‌ نزیكه‌وه‌ ئاگاداربوون له‌و رێكار و ئاسانكارییانه‌ی پێشكه‌ش به‌ هاوڵاتیان ده‌كرێت له‌ رایی كردنی مامه‌ڵه‌كانیان.

زياتر

بەش: الاخبار الرئيسية

بڵاوكراوەتەوە لە دوو شەممە, 27 شوبات 2017 14:17

نوسراوە لە لایەن راگەياندنى ئەنجومەنى پاريَزگاى كەركوك

سەردانەكان: 1795

ئه‌ندازیار رێبوار تاڵه‌بانی سه‌رۆكی ئه‌نجومه‌نی پارێزگای كه‌ركووك به‌رده‌وامه‌ له‌ سه‌ردانه‌كانی بۆ فه‌رمانگه‌ و ده‌زگا خزمه‌تگوزارییه‌كان كه‌ له‌ نێو پلانی به‌ڕێزیان هاتووه‌ بۆ چاودێری كردنی فه‌رمانگه‌كان و په‌یوه‌سته‌ به‌ رایی كردنی مامه‌ڵی هاوڵاتیان و ئه‌و كێشه‌ و گرفتانه‌ی بوونیان هه‌یه‌ له‌ ده‌زگاكان و هه‌وڵدان بۆ له‌ ناوبردنیان و چاره‌سه‌ركردنیان له‌ لایه‌ن ئه‌نجومه‌ن پارێزگا و لیژنه‌كانی.

هه‌ر بۆیه‌ به‌ڕێزیان سه‌ردانی لقی خۆراكی كه‌ركووكی كرد به‌ یاوه‌ری به‌ڕێز جه‌مال مه‌ولود سه‌رۆكی لیژنه‌ی دارایی و ئابووری رۆژی دووشه‌ممه‌ به‌رواری 27ی 2ی 2017. ئه‌ندازیار تاڵه‌بانی گوێی له‌ به‌ڕێوه‌یه‌ری لقه‌كه‌ و به‌ڕێوه‌به‌ری به‌شه‌كان گرد له‌سه‌ر ئه‌و كار و خزمه‌تگوزارییانه‌ی فه‌رمانگه‌كه‌ پێشكه‌شی ده‌كات و ئه‌و كێشه‌ و به‌ربه‌ستانه‌ی رووبه‌ڕوی فه‌رمانگه‌كه‌ ده‌بێته‌وه‌ وهه‌روه‌ها ئه‌ندازیار تاڵه‌بانی چاوی كه‌وت به‌ ژماره‌یه‌ك هاولاتی كه‌ سه‌ردانی فه‌رمانگه‌كه‌یان كردبوو بۆ له‌ نزیكه‌وه‌ گوێ‌ گرتن لێیان له‌ ئه‌دای لقه‌كه‌ و ئه‌و ئاسانكارییانه‌ی پێشكه‌شی ده‌كات و جه‌ختی له‌سه‌ر ئه‌وه‌ كرده‌وه‌ كه‌ ده‌رگاكانی ئه‌نجومه‌نی پارێزگا كراوه‌ته‌وه‌ له‌به‌رده‌م هاوڵاتیان و له‌سه‌ر هه‌ر بابه‌ت و كێشه‌یه‌ك بێت له‌كاتی سه‌ردانی كردنیان بۆ فه‌رمانگه‌كان.

• < پێشووتر
• دواتر >